Manta bat belarraren gainean, krispetak eta Paul Urkijoren azken pelikula, Gaua. Ostiral gau baterako plana izan daiteke. Hala bada, gerturatu zaitez Armentiako zelaietara 21.30en.
Gaua
Euskal Herriko mendiak, XVII. mendea. Sorgin ehiza betean, Kattalinek senarrarengandik ihes egin du, eta gauaren erdian alde egin du baserritik. Basoaren belztasunean galduta, haren atzetik dabilen presentzia sentitu du. Bidean, hiru emakumerekin topo egin du, eta, ibaiaren ondoan arropa garbitzen duten bitartean, beldurrezko ipuinak eta herriko esamesak partekatuko dituzte. Bere harridurarako, Kattalin istorio horien parte bihurtuko da azkenean.