Euskararen bilakaera Gasteizen aztertuko dute datorren urriaren 8an, Izaskun Arrue Kulturgunean. “Euskara Gasteizen, berariazko bidea eginez” izenburupean, euskarak hirian izan duen bilakaera eta egoera soziolinguistikoa izango dira hizpide.
Hitzaldia 19:00etan hasiko da eta Euskara Zerbitzuak eta Euskaltzaindiak antolatu dute. Hizlariak Iñaki Martinez de Luna eta Iñaki Iurrebaso izango dira.
Ekitaldia doakoa eta sarrera librekoa izango da, tokiak bete arte.
