Uda eguzkitsua eta lehorra izaten ari bada ere, badirudi egun garrantzitsuak iristen direnean giro ezegonkorra eta freskoa agertzen dira..

Izan ere, uztailaren 25ean, Blusa eta Nesken Egunean, tenperatura nabarmen jaitsi zen eta euria ere egin zuen hainbat unetan. Orain, Andre Maria Zuriaren jaiak hastear daudenean, antzeko egoera errepikatuko da.

Iragarpena

Gaur izango da egun beroena. Zerua nagusiki oskarbi egongo da eta tenperatura maximoa 29 gradura iritsiko da, jaietako lehen giroaz gozatzeko aukera bikaina eskainiz.

Bihar, ordea, aldaketa iritsiko da. Tenperatura maximoa 24 gradukoa izango da eta zaparradak egiteko aukera dago egunaren hainbat unetan.

Etzi ere giro freskoa izango da nagusi. Tenperatura maximoa 23 gradura mugatuko da; goiza euritsu hasi daiteke, baina arratsaldean atertzera eta hodeiak gutxitzen hastea espero da.

Beraz, azken asteetako bero eta lehortasunaren ostean, eguraldiak atseden txiki bat hartuko du berriro ere Gasteizko jaietan.