Egia Kermanentzat elkarteak webgune berria jarri du martxan, egiakermanentzat.eus, Kerman Villateren heriotzaren inguruko auziari buruzko informazioa, dokumentazioa eta elkartearen jarduera herritarren eskura jartzeko. Plataformaren helburua da kasuaren bilakaera modu antolatuan azaltzea eta “egia, justizia eta erreparazioa” aldarrikatzen jarraitzea.
Webgunearekin batera, elkarteak iragarri du abuztuaren 5ean informazio-mahai bat jarriko duela Gasteizen, herritarrei kasuaren xehetasunak azaltzeko eta egiten ari diren ekimenen berri emateko.
Ekimen hau Radio Euskadiren erreportajeren ostean iritsi da. Bertan, hainbat lekukok azaldu zuten Mítika diskotekako atezainek Kerman Villate hil aurreko hilabeteetan ustez egindako erasoak eta indarkeriazko jokabideak.
Lekukotasun berriek berriro piztu dute kasuaren inguruko eztabaida publikoa. Egia Kermanentzat elkarteak nabarmendu du webgune berriak informazio eguneratua eskaintzeaz gain, auziaren jarraipena egin nahi duten herritarrentzat erreferentziazko gune bihurtu nahi duela.