Podemosek datorren urteko maiatzeko foru eta udal hauteskundeetarako primarioak amaitu ditu, eta Arabako Batzar Nagusietarako eta Gasteizko Udaleko hautagaitzak berretsi ditu.

Podemosek David Rodríguez eta Garbiñe Ruiz aukeratu ditu 2027ko maiatzaren 23ko hauteskundeetarako Arabako eta Gasteizko hautagai gisa, primarioen emaitzak ezagutarazi ondoren.

David Rodríguez izango da Arabako Batzar Nagusietarako zerrendaburua. Arkitektoa eta hirigintzan espezializatua da, eta Elkarrekin Podemosen bozeramailea da Arabako Batzar Nagusietan. Hautagaitza errepikatu egingo du, aurreko legealdian ere ardura hori izan baitu.

Rodríguez erdalduna da, eta gaztelaniaz egiten du bere jardun politikoa.

Garbiñe Ruiz udalerako

Garbiñe Ruiz, berriz, Gasteizko Udaleko Podemosen bozeramailea, hiriburuko alkatetzarako hautagaia izango da berriro ere. Gaur egun zinegotzia da Elkarrekin Podemos taldean eta taldearen ordezkari nagusia izan da azken urteotan.

Ruiz euskalduna da, baina Gasteizko Udalean oso gutxitan egiten du euskaraz.