Hirurehun lagun inguru bilduta daude San Prudentzio kalean eguerdiko 12etan egitekoa den etzegabetzea gelditzeko.
Herritarrek polizien aurkako oihuak egin dituzte eta etxetik kanporatu behar duten familiaren aldeko leloak ere egin dituzte.
Zaurituak
Etxe atarian zeuden ekintzaileak goizean eta Ertzaintzak indarrez kanporatu ditu. Haietako batzuk Txagorritxuko ospitalera joan behar izan dira poliziek emandako kolpeen ondorioz. Bada, salatu dutenez, Ertzaintza Txagorritxura hurbildu da zaurituak identifikatzeko.
Etxegabea gauzatu da
Eguerdiko 13.00ak aldera etxegabetzea amaitu da eta poliziak zein protestan bildutakoak sakabanatu dira.
Etxegabetutako aitak eskerrak eman dizkie hara laguntzera hurbildu direnei eta ez dakitela non biziko diren ere azaldu du.