2026ko Espainiako Ikerketa Sariak Gasteizen banatuko dira aurten. Ekitaldia Europa Biltzar Jauregian izango da urriaren 27an.
Sariak
Espainiako Zientzia, Berrikuntza eta Unibertsitateen Ministerioak (MICIU) ematen dituen Ikerketako Sariak Espainiako ikerketa zientifikoaren arloko nagusietakoak dira. Guztira, 20 sari banatzen dira —10 Ikerketako Sari eta 10 ikertzaile gazteentzako—, eta bakoitza 30.000 euroz dago hornituta. Sari nagusiek ibilbide zientifiko luzea eta nazioarteko garrantzia duten ikertzaileak aitortzen dituzte; gazteen kategorian, berriz, 40 urte arteko ikertzaileen lehen urteetako lorpenak saritzen dira.
Euskara
Gurea hizkuntza ofiziala den arren, euskara ezin da erabili sarietarako hautagaitzak aurkezteko. Sariari buruzko informazio ofizial guztia gazteleraz baino ezin da topatu, eta oinarrietan zehazten denez hautagiek Curriculum vitae-ak gazteleraz edo ingelesez aurkeztu beharko dira.
Maider Etxebarria pozik
Gasteizko alkatea pozik agertu da sarien banatze ekitaldia Gasteizen egingo delako. Sare sozialen bidez zabaldutako bideoan Etxebarriak Diana Moranten deia, Espainiako zientzia ministroa, jasotzen du eta hor iragartzen dio ministroak albistea.
Gogora ekarri behar Diana Moran ministroa zein Maider Etxebarria alkatea Espainiako Alderdi Sozioalistako (PSOE) kideak direla.
Alkatearen hitzetan “Gasteizek talentuaren eta berrikuntzaren sustapenean duen zeregina” indartzen dute sariek, eta “gure hiria balio instituzional handiko ekitaldien egoitza gisa” duen indarra nabarmendu du.