21 urteko emakume bat atxilotu du Gasteizko Udaltzaingoak ostiral goizaldean, bere kabuz patruila bati ea auzitegiren batek bilatzen ote zuen galdetu ostean. Agenteek datuak egiaztatu zituztenean, indarrean zuen atxilotze-agindu judizial bat zuela baieztatu zuten, eta berehala atxilotu zuten.
Gertakaria 03:30 aldera izan zen, Andre Maria Zuriaren plazan. Emakumeak patruilarengana jo zuen eta galdera egin zien agenteei. Egiaztapenaren ondoren eta atxilotzen agindua indarrean zegoela ikusita, atxilotu zuten, beti ere Udaltzaingoak zabaldutako informazioaren arabera.
Bestalde, Udaltzaingoak jakinarazi du atzo 35 salaketa judizial erregistratu zirela. Horien artean daude 17 lapurreta (hiru bizikletenak), bi iruzur, indarkeriaz egindako lapurreta bat, etxebizitza-usurpazio bi, familia barruko bi tratu txar kasu eta beste hainbat delitu.